தமிழகத்தில் ஓட்டுநர் தேர்வில் தேர்ச்சி பெறும் விண்ணப்பதாரர்களுக்கு அன்றைய தினமே டிஜிட்டல் ஓட்டுநர் உரிமம் வழங்கப்படும் என முதல்வர் விஜய் அறிவித்துள்ளார்.

சட்டப்பேரவையில் விதி 110-ன் கீழ் வெளியிட்ட அறிவிப்பில், புதிய வாகனம் வாங்குவோர் டிஜிட்டல் வாகனப் பதிவுச் சான்றிதழை (RC) இணையம் வழியாகப் பதிவிறக்கம் செய்யும் வசதி, வரும் செப்டம்பர் 15ஆம் தேதி முதல் மாநிலம் முழுவதும் நடைமுறைக்கு வரும் எனத் தெரிவிக்கப்பட்டுள்ளது.

மேலும், போக்குவரத்துத் துறை அலுவலக சேவைகளில் “Anywhere Registration / Licensing” வசதி படிப்படியாக அறிமுகப்படுத்தப்படும் எனவும் அறிவிக்கப்பட்டுள்ளது.

டிஜிட்டல் ஓட்டுநர் உரிமம் மற்றும் வாகனப் பதிவுச் சான்றிதழ்களில் உள்ள QR குறியீட்டை ஸ்கேன் செய்து, அரசு அலுவலகங்கள் மற்றும் அதிகாரப்பூர்வ அமைப்புகள் ஆவணங்களின் உண்மைத்தன்மையை மின்னணு முறையில் சரிபார்க்க முடியும்.

ஆவணங்கள் தொலைந்தாலோ அல்லது சேதமடைந்தாலோ அவற்றை மீண்டும் இணையம் மூலம் பதிவிறக்கம் செய்து அச்சிட்டுக்கொள்ளும் வசதியும் ஏற்படுத்தப்படும் என முதல்வர் தெரிவித்துள்ளார்.