கிளிநொச்சி, உருத்திரபுரம் சிவநகர் பகுதியில் தாத்தா செலுத்திய வாடகை வாகனம் மோதி ஒரு வயது சிறுமி உயிரிழந்துள்ளார்.

வீட்டின் தோட்டத்தில் நிறுத்தி வைக்கப்பட்டிருந்த வாகனத்தை தாத்தா பின்னோக்கி இயக்கியபோது இந்தச் சம்பவம் இடம்பெற்றுள்ளது.

இதன்போது சிறுமி வாகனத்தை நோக்கி வந்ததாகவும், வாகனத்தின் சக்கரத்தில் சிக்கி படுகாயமடைந்ததாகவும் தெரிவிக்கப்பட்டுள்ளது.

விபத்தில் படுகாயமடைந்த சிறுமி உடனடியாக கிளிநொச்சி வைத்தியசாலைக்கு கொண்டு செல்லப்பட்ட போதிலும், வைத்தியசாலையில் அனுமதிக்கப்படுவதற்கு முன்னரே அவர் உயிரிழந்திருந்ததாக வைத்தியசாலை வட்டாரங்கள் தெரிவித்துள்ளன.

பிரேத பரிசோதனை நிறைவடைந்ததன் பின்னர் சிறுமியின் சடலம் உறவினர்களிடம் ஒப்படைக்கப்பட்டுள்ளது சம்பவம் தொடர்பில் கிளிநொச்சி பொலிஸார் மேலதிக விசாரணைகளை முன்னெடுத்து வருகின்றனர்.